دراسة جدوي زراعة نخل و زيتون بسيوة

ناس كتير بتسئلني بتعمل إيه في سيوة؟
و ليه إشتريت أرض في سيوة ؟
-------------------------------------------------
مع بعض كدة واحدة واحدة (الارقام تحتمل الزيادة او النقصان)
دلوقتي لو هتاخد في سيوة 10 فدادين و هتزرعهم أفضل محصول سيوي مشهور عالميا (النخل و الزيتون)

أولا التكاليف
ثمن الأرض 24 ألف
تكلفة البئر 8 ألاف
تكلفة شبكة الري متوسط 20 ألف
تكلفة الشتلات و الفسائل
420 نخلة * 35 جنية = 14700
تكلفة الزيتون 1750 شجرة زيتون * 3.5 = 6125
تكاليف عمالة الزراعة 3000
تكلفة التسميد و الرش 2000
إجمالي التكاليف :
77 ألف جنية و يبقي عندك 10 فدادين مزروعين نخل و زيتون .

طيب نشوف الأرباح
النخل و الزيتون بينتج إنتاج عالي من 5 إلي 6 سنوات .
إنتاج النخل من البلح متوسط 100 كيلو للنخلة الواحدة * 400 = 40 طن بلح .
سعر الكيلو لا يقل عن 4 جنية و يباع في سيوة نفسها حيث هناك 5 مصانع للتمور
يبقي إنتاج النخل 160 ألف جنية .
و كل سنه بقي بإذن الله مع الإهتمام و الرعاية تنتج أعلي .
نروح بقي للزيتون .
إنتاج فدان الزيتون حوالي 7 طن * 10 = 70 طن زيتون
هنفترض بردة إنك مش هتعصرة ولا هتخلله و هتبيعة ني زي ما هو .
و هيتباع بردة في سيوة يعني ولا هتنقل ولا هتلف
أقل سعر للكيلو 1.5
يعني ال 70 طن ثمنهم 105 ألف

يعني بعد 6 سنوات او 5
مزرعتك هتجيبلك 265 ألف جنية .
طبعاً متفرحش قوي جداً إستني في مصاريف محسبنهاش grin emoticon
العمالة و التسميد و الرش و السولار و خلافة . علي مدار 6 سنين قبل ما المزرعة ما هتنتج
160 ألف تقريبا علي مدار 6 سنوات

يعني هتكسب في أول سنة إنتاج 100 ألف بس .
و تاني سنة 250 ألف
و ثالث سنة 300 ألف
و رابع سنة 320 ألف
و هكذا بقي grin emoticon

و طبعاً تقدر تزود دة بالقيمة المضافة
يعني ممكن تعصر الزيتون .. او تخلله ..
ساعتها هتبيعة ب 7 و 8 جنية مش 1.5 جنية
ممكن تصنع التمر بتاعك و تبيعة و ساعتها هتبيعة ب 10 جنية مش 3 جنية
طيب لو قلتلك إنك ممكن تزرع برسم حجازي جنبهم و تربي غنم و مواشي يكسبوك
كل سنة و متصرفش من جيبك علي النخل و الزيتون؟
طيب لو قلتلك إنك ممكن تربي نحل و تكسب من العسل بردة يغطيلم مصاريف لحد ما النخل و الزيتون ينتجوا؟
طيب لو قلتلك إنك ممكن تزرع خضار و تبيعة في سيوة و مطروح و يغطيلك مصاريفك و ممكن متبقاش محتاج النخل و الزيتون أصلا grin emoticon .

بحمد لله ربنا رزقني و رزق إخواتي و أصحابي و أخدنا أرض في سيوة إدعولنا ربنا يوفقنا

باحث زراعي : أحمد هـ حجاج